“Müəllimlərimin öyrətməyə marağı var” | Xarici tələbə

“Müəllimlərimin öyrətməyə marağı var” | Xarici tələbə
  15 Fevral 2025    Oxunub:828
“Azərbaycan Dövlət Neft və Sənaye Universitetini Azərbaycanın ən yaxşı təhsil ocağı hesab etdiyim üçün seçdim”. Bu sözləri AzVision.az-a Çindən olan tələbə Tonq Jiahui deyib. Onun sözlərinə görə, ADNSU-nun bütün müəllimləri yüksək tədris səviyyəsinə malikdirlər.
Müəllimlərimin mənə bilik öyrətməyə güclü marağı var. Onların tələbələrə bu cür yanaşması xoşuma gəlir. Aydındır ki, onlar öz biliklərini bizə ötürmək istəyirlər. Mən müəllimlərin bu keyfiyyətini çox yüksək qiymətləndirirəm”, - tələbə bildirib.

Çinli tələbə Azərbaycanda olduğu müddətdə çoxlu dostlar qazandığını deyib: “Həm yerli, həm də xarici dostlarım var. Boş vaxtlarımda dostlarımla gəzməyə çıxıram. Bakı çox küləklidir, ancaq şəhər sakinləri xeyirxah və mehribandırlar. Ölkənizdə olduğum müddətdə universitetdə heç bir ciddi çətinliklə qarşılaşmamışam. Əlbəttə ki, həyatda çətinliklər olmalıdır - onlar bizi mətinləşdirir, yeni çətinliklərə qarşı daha da gücləndirir", - o deyib.

Azərbaycan-Çin münasibətlərindən danışan T.Jiahui bildirib ki, Çinin “Bir kəmər, bir yol” strategiyası Azərbaycanla əməkdaşlığı ehtiva edir və gələcəkdə iqtisadi əlaqələrimiz daha geniş olacaq.

Rolan Yusufov

“Bakı potensialımızı üzə çıxardı” | Xarici tələbə
“Buranı müəllimim məsləhət gördü” | Xarici tələbə
“Ölkəmdə ilk olacağam” | Xarici tələbə
“Yeni maraqlı hadisələr gözləyirəm” | Xarici tələbə
“Bura həqiqətən yaxşıdır” | Xarici tələbə
“Arzu edirəm, dostluğumuz əbədi olsun” | Xarici tələbə
“Azərbaycanda təhsil yaxşı fürsətdir” | Xarici tələbə
“Bakı yeni estetika yaradıb” | Xarici tələbə


Teqlər: Xarici-tələbə  





Xəbər lenti


Azvision.az ©2014 | Bütün hüquqları qorunur